Ebenizer Koprraci i nis festat e Krishtlindjeve me përbuzjen e tij të zakonshme, duke i ulëritur ndihmësit të tij besnik Bob Kraçit dhe nipit të tij të gëzueshëm. Por kur shpirtrat e Krishtlindjeve të Shkuara, të Tashme dhe të Ardhme e marrin në një udhëtim që i hap sytë, duke i zbuluar plakushit Koprrac të vërteta të hidhura, ai duhet ta hapë zemrën e tij për të kompensuar vitet e kaluara me keqdashje në zemër para se të jetë tepër vonë.
Një djalë adolodhent niset në një udhëtim, i vetëm, për të gjetur babain e tij të cilin e mendonte të vdekur, vetëm për të zbuluar se ai është njësoj si babai i tij.
Sara Tomas është tipi i femrës që preferon të qëndrojë jashtë vëmendjes në punë, por kur ideja e saj e madhe për iniciativën e Krishtlindjeve vidhet, ajo i shpreh një dëshirë Babagjyshit që më në fund të ketë kurajë të ngrihet për veten e saj. Babagjyshi ia plotëson dëshirën, por vetëm për 48 orë. Teksa minutat kalojnë, Sara duhet të zbulojë se si të fokusohet te magjia e Krishtlindjeve dhe të shprehë atë që mendon në të njëjtën kohë.
Në një që qytet ku të gjithë përgatiten gjithmonë për Krishtlindjet dhe mendojnë t'i kalojnë ato sa më bukur, duke blerë dhe dërguar dhurata. Duket se këto nuk mjaftojnë dhe vogëlushja Sindi fton në festë Grinçin, një krijesë e cila ka vetëm për qëllim të vjedhë Krishtlindjet.
Epic tregon historinë e një beteje të vazhdueshme në thellësi të pyllit që ndodhet mes forcave të së mirës dhe forcave të së keqes. Kur një vajzë adoleshente e gjen veten të transportuar në mënyrë magjike brenda këtij universi sekret, ajo duhet të bashkohet me një skuadër të çmendur karakteresh gazmorë dhe magjikë në mënyrë që të shpëtojë botën e tyre... dhe tonën.
Pas vdekjes së xhaxhait të tij, djaloshi 14-vjeçar Alex Rider detyrohet nga Divizioni MI6 i Operacioneve Speciale të shërbimit sekret të Britanisë së Madhe për një mision që do të shpëtojë miliona jetë...
Kur qeni i Viktorit të vogël i quajtur Xixëllues goditet nga një makinë, Viktori vendos ta kthejë në jetë në mënyrën e vetme që ai di. Por kur "përbindëshi" me bulona në qafë bën kërdinë dhe përhap terrorin në zemrat e fqinjëve të Viktorit, ai duhet t'i bindë ata (edhe prindërit e tij) se pavarësisht paraqitjes, Xixulluesi është ende miku i mirë dhe besnik që ka qenë gjithmonë.
Një djalë tetë vjeç, mendohet të jetë dembel dhe një ngatërrestar, derisa mësuesi i ri i artit gjen durim dhe mëshirë për të zbuluar se kush është problemi i vërtetë prapa zënkave të tij në shkollë.
Mali kthehet në Ishullin e të humburve për të gjetur armiken e saj Uman, vajzën e Ursulas që bashkëpunon me Harryn, djalin e Kapitenit Hook dhe Gilin, djalin e Gastonit.
Udhëtimi i familjes Heflej për të shkuar në festën e ditëlindjes së nëntëdhjetë të gjyshes shndërrohet në një aventura për shkak të çapkënit Greg dhe vëllait të tij.
Nëse në një farë mënyre do t’ju jepej mundësia, a do ta jetonit jetën tuaj nga e para? Tridhjetë e ca vjeçari Majk O’Donell do ta bënte. Atëherë në një moment magjik e misterioz, Majkut i jepet mundësia. Ai kthehet papritmas në gjimnazin Hejdën ku është ylli i skuadrës së basketbollit, djali më seksi dhe shok klase me vetë fëmijët e tij adoleshentë... gjë që i jep mundësinë Majkut të kthehet nga një baba jo dhe aq i mirë në një shok fantastik. Zac Efron dhe Matthew Perry janë Përsëri 17 dhe jashtëzakonisht gazmorë në rolin e Majkut më të ri e më të vjetër në këtë komedi që vërteton se viti më i mirë i jetës tuaj është ai që po jetoni pikërisht tani.
Benjamin Gates duhet të ndjekë një të dhënë të mbetur në ditarin e John Wilkes dhe të provojë pafajësinë e paraardhësve të tij për vrasjen e Abraham Lincoln.
Kur Brajan, një tifoz i ri i pashpresë në mënyrë të magjishme shkëmben talentin me heroin e tij, yllin e basketbollit, Kevin Durant, ai bëhet ylli i ekipit të gjimnazit, ndërkohë që Kevin papritmas, nuk bën dot një kosh as sa për të nxjerrë veten nga telashet.
Persi është kthyer, këtë herë në mënyrë për të rikthyer në vend strehën e tyre të sigurt që është drejt zhdukjes, i biri i Poseidonit dhe miqtë e tij nisen në një mision në Detin e Përbindëshave për të gjetur Posten e Artë dhe për të ndalur një të keqe të lashtë nga ngritja.
Një histori karakteristike australiane e një familje, miqësie dhe aventure ndërmjet një djali të vogël
dhe një qeni të papastër që do të rritej e do të bëhej legjenda australiane.
Adoleshenti Përsi Xhekson, zbulon se është pasardhësi i Poseidonit dhe gjatë ambientimit me realitetin e ri, i duhet të përballet me një luftë mes Perëndish. Nga një djalë i zakonshëm, ai tani do të shndërrohet në një hero.
Kur djali i tij adoleshent hyn në telashe, Benxhamin Mi heq dorë nga një gazetë fitimprurëse për t’u shpërngulur me familjen e tij në një nga vendet më të paimagjinueshme: një kopsht zoologjik! Me ndihmën e një stafi eklektik dhe me shumë probleme gjatë rrugës, Benxhamini niset në një fillim të ri për të rivënë në vend lavdinë e dikurshme të kopshtit të shkatërruar, ndërsa ribashkon familjen e tij. Nga regjizori i filmit Jerry Maguire, Blemë Një Kopsht Zoologjik është një kremtim i mrekullueshëm, i ngrohtë dhe i mprehtë i shpirtit njerëzor.
