Këtë radhë, kapiteni Xhak Sparou është i ngatërruar në një rrjet tjetër intrigash të mbinatyrshme. Del në pah, që Kapiteni Xhak i ka një borxh të përgjakshëm legjendarit Dejvi Xhouns, sundimtarit të thellësive të oqeaneve i cili është dhe kapiten i anijes fantazëm “Hollandezi Fluturues”. Nëse Xhaku nuk gjen një mënyrë dinake për të dalë nga kjo situatë, do të dënohet me shërbim të përjetshëm ndaj Dejvi Xhounsit. Dhe sikur kjo mos të mjaftonte, Kapiteni Sparou i shkakton probleme të tmerrshme dasmës së Uill Ternerit dhe Elizabeth Shuan, që shumë shpejt e gjejnë veten brenda tek aventurat e pafata të Xhakut.