Përqendrohet në përgjegjësitë dhe vendimet jashtëzakonisht dramatike dhe të mëdha me të cilat u përball Golda Meir, e njohur gjithashtu si 'Zonja e Hekurt e Izraelit' gjatë Luftës së Yom Kipurit
Bazuar në një histori të vërtet, filmi tregon se si një zjarr, që shkatërroi shkollën për nxënësit me ngjyrë në qytetin e Durhamit, nis një revolucion për integrimin e komunitetit me ngjyrë nëpër shkolla dhe përpjekjen për të ndaluar segregacionin. Komunitete me ideale dhe parime të ndryshme formojnë një asamble për të marr vendime të rëndësishme për jetën e qytetit dhe gjatë këtyre diskutimeve arrijnë të njohin dhe të kuptojnë më mirë njëri tjetrin.
Ndjek historinë e punëtorëve të fshehtë që rrezikuan jetën e tyre për
të dërguar inteligjencën dhe për të mbrojtur atdheun, në periudhën pas sulmit
të Japonisë në Pearl Harbor, kur regjimi i Wang Jingweit i shpalli luftë Britanisë dhe SHBA-së.
Në 1839, revolta e robërve Mende në bordin e një anijeje në pronësi spanjolle shkakton një polemikë të madhe në Shtetet e Bashkuara kur anija kapet në brigjet e Long Island. Gjykatat duhet të vendosin nëse Mendet janë skllevër apo ligjërisht të lirë.
Një dramë e fuqishme që tregon jetën e një djaloshi, i cili shkon të mësojë artin e luftës në një shkollë që drejtohet nga një magjistar dhe mercenar i pamëshirshëm, që e detyron djaloshin të kalojë sprova të vështira për të mbijetuar.
Një biznesmen i suksesshëm synon të dalë në pension në mënyrë anonime në Tombstoun, Arizona, por planet e tij prishen nga lloji i jashtëligjshëm që ka zgjedhur.
Shekspiri djalosh detyrohet të vërë në skenë komedinë e tij të fundit, "Romeo dhe Ethel, "vajza e piratit", ku një fisnike e bukur merr pjesë në audicionet për një rol, pastaj ajo bie në dashuri. Dhe ndërsa marrëdhënia që ajo krijon përparon, komedia e Shekspirit shumë shpejt shndërrohet në tragjedi.
Bazuar në histori të vërtetë të kompozitorit Joseph Bologne, Chevalier de Saint-Georges, djali i paligjshëm i një skllaveje afrikane dhe një pronar plantacioni francez, i cili ngrihet në lartësitë e shoqërisë franceze si kompozitor përpara një lidhjeje të pafat dashurie.
Ngritja dhe rënia e perandorisë së mixtape-ve pirate të tre vëllezërve nga Napoli dhe kasetat e tyre "Mixed by Erry", që sollën muzikën pop në rininë italiane të viteve 1980.
Djaloshi D'Artanjan shkon në Paris në një kohë turbullirash me shpresën për tu bërë Musketier dhe rastësisht njihet me Tre Musketierët që do bëhen shokë besnikë të tij. Mirëpo, ngatërrimi i një prej shokëve në vrasjen e një gruaje të panjohur, i detyron të gjithë të kërkojnë të vërtetën, duke zbuluar edhe komplotet që janë planifikuar kundra mbretit dhe mbretëreshës së Francës, të cilët shpëtojnë falë besnikërisë së Musketierëve.
Një djalosh në moshën e para adoleshencës, gjeni shahu, inkurajohet që të tregohet i ashpër me veten, me qëllim që të bëhet kampion si i famshmi, por i papëlqyeshëmi, Bobi Fisher.
Bazuar në ngjarje të vërteta. Në 20 Janar 1942, pjesëtarë të partisë naziste gjermane u mblodhën në konferencë për të gjetur një "zgjidhje përfundimtare për problemin çifut".
Gjatë Luftës së Parë Botërore, disa minatorë britanik u rekrutuan në ushtri, për të hapur tunele poshtë frontit gjerman dhe të vendosnin bomba për të shaktërruar armikun. Minatorët ia dolën mbanë edhe pse sakrifikuan jetën e tyre për të shpëtuar mijëra jetë të tjera.
Frymëzuar nga ngjarje të vërteta nga pranvera e vitit 1944,
kur nazistët organizuan një ndeshje futbolli midis një ekipi të burgosurish
në kamp dhe një ekipi elitar nazist për ditëlindjen
e Adolf Hitlerit. Një ndeshje që të burgosurit janë të vendosur ta fitojnë, pavarësisht se çfarë ndodh.
Në vazhdën e vdekjes së mbretit Eduard, Uhtred i Bebbanburgut dhe shokët e tij luftojnë për një mbretëri të copëtuar me shpresën për të bashkuar më në fund Anglinë.
Historia e vërtetë e Hërb Bruks. Një ish lojtar i kthyer në trajner i cili drejtoi skuadrën Amerikane Olimpike të vitit 1980 në një sukses të madh kundër skuadrës së pamposhtur të Bashkimit Sovjetik.
Në korrik të vitit 2001, mbi 200 mijë njerëz dalin në rrugët e Xhenovas për të protestuar kundër samitit të G8-ës. Aktivistët e anti-globalizmit u përleshën me policinë, ku mbetet i vdekur protestuesi 23 vjeçar Karlo Xhuliani, i qëlluar nga policia. Pas kësaj policia organizon një bastisje në shkollën Diaz Paskoli në Xhenova, ku ishin strehuar qindra njerëz të paarmatosur dhe protestues, aty ishin kryesisht studentë dhe gazetarë të pavarur që dokumentuan brutalitetin e policisë gjatë protestave.
'Ajo çka ndodh ato ditë, quhet shkelja më e rëndë e lirive civile në një vend demokratik perëndimor që nga Lufta e Dytë Botërore'.
Kur një vend spitalor i ushtrisë Amerikane në ishullin e largët të Saipanit pushtohet nga forcat Japoneze, një mjek i vetëm rrezikon gjithçka për të udhëhequr një grup ushtarësh të plagosur drejt sigurisë.
